Oldthings





ကျနော့် ရဲ့  မ

တခုသော ၁၉... နှစ်များဆီက အကြောင်းအရာလေး တခုပါ။ညီမျိုးရဲ့ (မောင်မျိုး)ခပ်စောစော သင်္ကြန်ပို့လေးက ရင်ထဲကအနာဟောင်းကို လာဆွလိုက်သလိုပါပဲ။ ဟင် မဖတ်ခဲ့မိရင် ကောင်းသား၊ ဒင်းကလေးရဲ့ အရေးအသားကလည်းကောင်းနေတော့ အင်း ကိုယ့်ဒေါသနဲ့ ကိုပဲလေ ခံပေ့ါ လှလှကြီး။ မမအတွက်ဆို လောကကြီးကို ခါးစောင်းတင်ပစ်မယ်ဆိုတဲ့ ကောင်လေး ဘဝပေါ့။ ကျနော်က ၈ တန်း သူက ၁၀တန်း ကျောင်းသူ ဘဝ၊ မ အတွက်နဲ့ လိုက်လိုက်ရတဲ့ မေးခွန်းတွေ၊ ဒါပဲကြည့်ကွက်တိလို့ ကြားတာနဲ့ မျက်နှာနဲ့ ခြေလှမ်းက အသင့် အလိုအလျောက်ကို လှည့်မိလျက်သားပဲ။ မ က စာတော်ပါတယ် ဒါပေမယ့် မိန်းကလေးတွေရဲ့  ထုံးတမ်းစဉ်လာအရ Details သိပ်မက်တော့ ပူစရာမဟုတ် ပူနေရောပဲ။ သူပူနေတော့ ဒီကကောင်လဲ ဘယ်နေနိုင်မလဲ၊ ဒါနဲ့ တက္ကသိုလ် ရောက်နှင့်နေတဲ့ မကြီးဆီ အပူကပ်ပြီး မေးခွန်းရနိုင်၊ကြားနိုင်မယ့် နေရာတွေ စုံစမ်း၊ ၀ယ်တန်ရာဝယ် တောင်းတန်ရာတောင်း လုပ်လိုက်တာ စုံလောက်ပြီထင်လို့ သေချာပြန်ကြည့်မိတော့မှ ဟိုက်ရှားပါး...ပြဌာန်းစာအုပ်တွေကို စာမေးပွဲနီးမှ လိုက်ဝယ်မိ သလိုပါပဲ တယောက်တပေါက်ပေးထားလိုက်တာ မေးခွန်း ၃ စုံရှိထားရင် ဖတ်စာအုပ်ထဲကဟာတွေ အကုန်ခြုံမိနေမှတော့ မတိုးရှိပ မလား။
ဘာပဲဖြစ်ဖြစ် မအတွက်နဲ့ ကင်းတဲမှာအိပ်ပြီး အနီးကပ်မေးခွန်း စောင့်ရတာကိုက အာဂအလုပ်အကိုင်ဟဲ့လို့ သွေးနာထင်ရောက်နေခဲ့တဲ့ ဆယ်ကျော်သက် ချစ်လူမိုက်လေးပေါ့။

ဒီလိုနဲ့ ရင်းနှီးမှုတွေနဲ့ အတူ ရင်မှ အပူတွေကို ပတ်ဝန်းကျင်ရော မမ ပါသိလောက်တော့ သင်္ကြန်နားနီးနေပါပြီ။ ခါတိုင်းဆို ပိုက်ဆံ ကုန်မှာ ကြောက်လို့ အမဲအူသုပ်ဆိုင်မှာဆုံ ရင် အမြဲမျက်နှာလွဲသွားတတ်တဲ့ မ က ကျနော့်ကိုတကူးတကရှာတတ်လာသလို၊ ကျနော်ကလည်း အချိန်မှတ်ထားပြီး သူမသွားနေကျ လမ်းတွေဆီမှာ ခရီးသွားဟန်လွဲ ကိုယ်ထင်ပြရတာ အမောပေါ့။ မှတ်မှတ်ရရ သင်္ကြန်မကျခင်တပတ်အလိုမှာ သူ့ပါပါး ပို့ပေးလိုက်တဲ့ ဂျပန်ဘီးကလေးကို ကြွားရင်း နှစ်ယောက်သား လမ်းသလားကြရင်းနဲ့ အမဲအူသုပ် အတူစားဖြစ်ကြတဲ့နေ့ကပေါ့။ ပြသနာက ကျနော်က စမိတယ်ပဲ ဆိုပါတော့။မ ရှေ့  ရောက်တာနဲ့ ဘယ်လိုအမှတ်ရအောင်နေပြရမယ်ပဲ စဉ်းစားနေတဲ့ အကျိုးကျေးဇူး ဆိုပါတော့။ အမဲအူသုပ် ဆိုင်ဘေးက ခေါက်ဆွဲသုပ်သည်က သစ်ခွပန်းရောင်းတဲ့ အထမ်းသည်လင်းမယားကိုခေါ်ပြီး ပန်းပင်ဝယ်ပါလေရော၊ အဲဒီမှာ စတွေ့တာပါပဲ...

အပြောကောင်းတဲ့ ပန်းသည်လင်မယားကို သဘော်တော်ခွေ့ သွားတဲ့ အသုပ်သည်အဒေါ်ကြီးဟာ...သူ့ဘာသာသူဝယ်ရုံတင်မကပါဘူး၊ ကျနော်တို့စားနေတဲ့ အမဲအူသုပ်သည်ကိုပါ ဈေးတော်ကြောင်း၊တန်ကြောင်း ရတုန်းရခိုက်ဝယ်ထားရင်မမှားကြောင်း ဆွယ်တရားဟောလိုက်တာ ... အမဲအူသုပ်သည်အဒေါ်ကြီးလည်း...သစ်ခွပန်းပင်တပင် ဝယ်လိုက်ရပါလေရော။ ပန်းတအိုး ၂၅၀ တည်းရယ် အပွင့်တွေလည်းအသင့်ပါလေရဲ့ ။ပြောပြောဆိုဆို..ပါပဲ သူဝယ်လိုက်တဲ့ပန်းအိုးလေးကို အမွှမ်းတင်ရင်း ကျနော်တို့ဝိုင်းမှာဝင်ထိုင်ကာ
ပွားပါလေရော...ပန်းသည်လင်မယားကတော့ အထမ်းဘေးချကာ ထောင်တန်အကြွေဖြတ်ပြီး ပိုက်ဆံပြန်အမ်းဖို့ရာ မျက်စောင်းထိုးကားလမ်းမရဲ့  တဖက်ခြမ်းက...ခေါက်ဆွဲဆိုင်ဆီဝင်သွားကြလေရဲ့  ။

ဆိုင်ရှင်အမဲအူသုပ်သည်အဒေါ်ကြီးက ၀ါကနာရှင်အဆင့် ကနေ ပညာရှင်အဆင့်ထိ ဘယ်ပန်းကဘယ်လို၊ ဘယ်ရာသီဆို ဘယ်ပန်း ဆိုတာတွေရော သူ့ပညာဗဟုသုတ၊ သူမရဲ့  ပါရမီလက်ဆိပ် စသည်ဖြင့် ပန်အိုးလေး ခုံပေါ်ချထားကာ အကျယ်တ၀င့်ရွှီးပြနေပါသည်။ ဆန်အိုးထဲက ဆန်ရတယ်ဆိုသော ကျနော့် မမ ကလည်း ပြည်သူ့ဆန္ဒခံယူပွဲတက်ရောက်နေသလားမှတ်ရတယ်...ဟုတ်ဟုတ်..
မဟုတ်ဟုတ်...ပြောသမျှယုံလိုက်ထောက်ခံလိုက်နဲ့ပေါ့။ကျနော်
လည်းနားဒုက္ခ အေးလိုအေးညားဆိုပြီး ရှေ့  ကပန်းအိုးလေးဆီကို အာရုံလွဲလိုက်ပါတယ်။ အိုးထဲက သစ်ခွက Dancing lady(yellow Color) အမျိုးအစားပါ။ သစ်ခွ ပင်ပျိုနှစ်ပင်ယှဉ်လျက်ပေါက်နေပြီး တပင်က ပန်းခက်ကြီး နှစ်ခက်ပွင့်ကာ အလှကြီးလှနေတာပါ။ကြည့်ရင်းကြည့်ရင်း သံသယဖြစ်လာပါတယ်။ အပင်လေးက ဒီလောက်အပွင့်ကြီးတွေပွင့်ဖို့ရာ သက်တမ်းမရင့်သေးလောက်ဘူးလို့လည်းထင်လာပါတယ်။ဒါနဲ့ပဲ သေသေချာချာ လုံးစေ့ပတ်စေ့ကြည့်လိုက်မှ ဖိန့်ဖိန့်ကြီးမှန်းသိလိုက်ရတယ်။

ဒါနဲ့ဆိုင်ရှင်အဒေါ်ကြီးပြောသမျှပုံပြင်တွေကို စိတ်ဝင်တစားနားထောင်နေတဲ့ မမကို စကားလက်စသတ်ဖို့ အချက်ပြ လိုက်တော့...ဆိုင်ရှင်အဒေါ်ကြီးက အကင်းပါးလှသော ကျနော့် မမ ထက်အရင် မြင်သွားတာနဲ့ပဲ စကားလက်စသပ်ကာ သူ့ကောင်တာနောက်မှာ ဂေါ်ဖီပြန်လှီးနေပါတော့တယ်။ သိပ်လူမှုရေးပြည့်ဝတဲ့ မ ကလေ ကျနော့်ကိုဘုရှိုးကာ မေးဆတ်ရင်း..ပြောဆိုတဲ့အထာနဲ့ ပေါ့...ကျနော်လည်း မ ရှေ့ က ပန်းအိုးက ဂွင်ဆင်ထားတာကြီးလို့
ဆိုလဲဆိုရော...မယုံတဝက်ယုံတဝက် သူမရဲ့  ကော့ညွှတ်နက်မှောင်သော မျက်တောင်ရှည်ကြီးတွေကို တဖျတ်ဖျတ်ခတ်ရင်း
ရင်တဖိုဖို ဖြစ်နေတဲ့ သူမ။ဒါနဲ့ ကျနော်လည်း...အသေးစိတ်ရှင်းပြလိုက်တယ်လေ ...

Dancing lady(yellow Color) အမျိုးအစား သစ်ခွက ဆောင်းနှောင်းနဲ့ နွေဦးရာသီမှာ ပွင့်တဲ့အကြောင်း၊
အပင်က လိုဒါထက်ပိုမို သက်တမ်းနုနေသေးတဲ့ အကြောင်း၊ အများအားဖြင့် ပင်ပျိုတွေပွင့်ရင် သစ်ခွဥ တဥကနေ ပန်းတခိုင်သာထွက်လေ့ရှိကြောင်း၊အပင်က ပန်းခိုင်က အရမ်းညှိုးနေတာကြည့်ချင်း အားဖြင့် ဒီပန်းခိုင်က ဒီအပင်ကပွင့်တာမဟုတ်ပဲ
လာထိုးစိုက်ထားတာ ဖြစ်နိုင်ကြောင်း၊ အိမ်မှာ အဒေါ် တယောက် သစ်ခွဝယ်ရင်း ဒီလို ဂျင်းခဏခဏ ကိုက်မိဘူးတာကြောင့်
သိနေကြောင်းတွေပေါ့။ စကားလည်းဆုံးရော...အယ်...ပန်းသည်တွေက ဒီလိုလိမ်ရောင်းတတ်တယ်လားတဲ့...ဒါဆိုဒီသစ်ခွက အစစ်မဟုတ်ဖူးပေါ့...ဆိုပြီးမေးခွန်းထုတ်ပြန်ပါလေရော...၊ပန်းသည်တိုင်းတော့ မဟုတ်ကြောင်း၊ပြီးတော့ အခုအပင်က Dancing lady(yellow Color)အစစ်ဖြစ်ကြောင်း၊တချို့  ပန်းသည်တွေက အပင်က အပွင့်မပွင့်သေးပေမယ် ဝယ်သူတွေ
ဘယ်အပင်က ဘာပန်းပွင့်မှန်းသိအောင်သာ ထိုးစိုက်ထားခြင်းဖြစ်ကြောင်း၊ဒါကို သတိထားသင့်ကြောင်း ဆက်ရှင်းပြလိုက်ပါတယ်။

မိန်းခလေးတွေရဲ့  လူမှုကူးလူးဆက်ဆံရေးက ကြောက်ခမန်းလိလိပါကလား...မ လေ ခဏဆိုပြီး ခုံကထ ကောင်တာနောက်သွား...ကျနော်ပြောသမျှ ဆိုင်ရှင်ဒေါ်ကြီးကို ဖောက်သည်ချပါလေရောလား...မကြာပါဘူး နှစ်ယောက်သား ရုံးစု ရုံးစုနဲ့ ကျနော့် နဘေးနားရောက်လာပြီး သူဝယ်ထားတဲ့ အပင်က ပန်းခက်က အစစ်ဟုတ်မဟုတ် စမ်းသပ်ကြပါလေရော။ သာသာလေး ဆတ်ခနဲ ဆွဲလိုက်တာနဲ့ ပန်းခိုင်နှစ်ခိုင်လုံးအလိုက်သင့်ပါလာပါရောလား။အင်း မ တော့ စနက်တံကိုမီးစတို့နေပါပြီ။
သူ မ ပြောသမျှတွေကွက်တိကြုံရတဲ့ ဆိုင်ရှင်အဒေါ်ကြီးက မ ကို ကြည်ညိုမဆုံးပေါ့။အခန့်သား မရဲ့  အထာစတိုင်ကလည်း ဒီလောက်ကတော့ အကင်းပါဆိုတဲ့ အတိုင်းတပြားမှကို အတိမ်းအစောင်းမရှိ ကွက်တိ အံကိုကြနေတာပါပဲ။ သူတို့ချင်းတင်မကပဲ
အသုပ်ဆိုင်က ဈေးသည်ကိုပါ သတင်းလက်ဆောင်ကမ်းချိန်မှာတော့ ထောင်တန်အကြွေဖြတ်ပြီး ပိုက်ဆံပြန်အမ်းဖို့ရာ ပြန်ရောက်လာတဲ့ ပန်းသည်လင်မယားနဲ့ ပက်ပင်းတိုးကြပါလေရော။....အသုပ်သည်နှစ်ဦးလုံးက ပန်းပင်တွေ မဝယ်လိုတော့ကြောင်း ပိုက်ဆံသာပြန်ပေးရန် ပန်းသည်လင်မယားနှင့်စ စကားများကြပါလေပြီ။အင်း...နောက်ဆုံးတော့ ဒေသခံတွေနဲ့ ပြသနာ မဖြစ်ချင်တဲ့ ပန်းသည်လင်မယားကပဲ အလျော့ပေးကာ ပန်းအိုးဖိုးပြန်ပေးလိုက်ပါတယ်။ ဒါပေမယ့် ကျေနပ်ကြတယ်တော့ မဟုတ်ကြပါ။ သူတို့ကိုချက်ကျ လက်ကျ ရန်တွေ့ကာ ပိုက်ဆံပြန်တောင်းတဲ့ အမဲအူသုပ်ဆိုင်ဆီကိုကွက်ကြည်
ကွက်ကြည့် လုပ်ရင်း နဘေးက အအေးဆိုင်ထဲဝင်ကာ ဒေါသပြေ အအေးဝင်သောက်ကြပါလေရော။

ဒါကို အစအဆုံးသိနေမြင်နေကြားနေရတဲ့ အအေးဆိုင်ရှင်က လောကွတ်လုပ်ကာ ဒီပြသနာရဲ့  တရားခံ လက်သည်အမှန် ဘယ်သူဘယ်ဝါဆိုတာကို ပန်းသည်မိန်းမကို လက်ထောက်ချလည်း ချလိုက်ရော...ပန်းသည်အမကြီးလေ ဝုန်းဆို..အမဲအူသုပ်ဆိုင်ရှေ့  ရောက်လာပြီး မ ကိုတည့်တည့်ကြီးစိုက်ကြည့်ကာ ကလော်တုတ်ပါလေရော...
ဒါကို မ လေ အပြုံးမပျက်တဲ့ အပြင် ကြောပေးထိုင်မိလျက်သား ဖြစ်နေတဲ့ကျနော့်ကိုပါ မေးဆတ်ရင်း လှည့်ကြည့်ဖို့ အဖော်စပ်ပါသေးတယ်...ဒီကကောင်လေ မနေနိုင်မထိုင်နိုင် သွားလှည့်ကြည်မိတော့ အမြင့်ပိုင်းကနေ ထဘီကို မကာမကာ ဟန်ကြပန်ကြ ဆဲရေးတိုင်းထွာနေတာ နဲ့ တည့်တည့် ကြီးတိုးပါလေရောဗျာ..တော် သေးတာပေါ့ အလင်းပြန်တဲ့ဘက်မှာဖြစ်နေလို့..ဟီး...အတော်နေတော့မှ ရပ်ကွက်လူကြီးရောက်လာပြီး ဈေးသည်အမကြီးအားဆက် မဆဲရန်ပြောမှပဲ ပွဲပြီးသွားပါတော့တယ်။...ကျနော်ဖြင့်ရှက်လိုက်တာလေ ဆိုင်ကနေထွက် စက်ဘီးဆွဲပြီး မ ကိုတင်ကာ ခြေဦးတည့်ရာ နင်းချလာခဲ့တယ်ဗျ။ အတော်ဝေးမှ ဘီးခဏရပ်ရင်း မ ကိုပြန်လှည့်ကြည့်တော ဟောဗျာ ...ပုံစံကိုက ဘာမှမဖြစ်ခဲ့သလိုပဲ။ ဒါနဲ့ပဲ ကျနော်က ဘယ်လိုမှ မနေဘူးလားစိတ်ထဲမှာလို့ မေးကြည့်တော့လေ...ဘာဖြစ်ရမှာလည်းတဲ့
ထမီ လှန်ဆဲတာသူမှမဟုတ်တာတဲ့ ခပ်အေးအေးပဲ ....နောက်ပြီးပြောလိုက်သေးတယ်...ဘယ်လိုနေရမှာလည်း သူကယောက်ျား
လေးမှမဟုတ်တာတဲ့...ဘုရားရေ...တကယ်ပါ ကျနော်လည်းဘာဆိုဘာမှ မမြင်ခဲ့ရပါဘူး..

ဒါနဲ့ကျနော်လည်း စကားလမ်းကြောင်းလွှဲတဲ့ အနေနဲ့ မကိုချစ်ခွင့်တောင်းတော့...
ဆိုင်းမဆင့်ဗုံမဆင့်...ထမေးတယ်...သူ့ မောင်အလတ်ကောင်ကို
နိုင်အောင်ထိုးနိုင်လားတဲ့။အမှန်အတိုင်းလည်းဖြေတယ်၊ အဖြေကို သူလည်းသဘောကျတယ်ဆိုရင် ချက်ချင်းအဖြေပေးမယ်လို့လည်း သဘောတွေကောင်းနေလိုက်သေးတယ်။ဟင်း ကျနော့် ဘဝကတော့ ဂျပန်ဝင်ခါမှပုလိပ်ဖြစ်ရသလိုပါပဲ...တတ်နိုင်ဘူးလေ...ဝက်ဖြစ်မှတော့ ဟိုဟာမကြောက်ကြေးပေါ့...ဒါနဲ့ထိုးနိုင်ပါတယ်ပေါ့ ပြောမယ့်သာပြောရတယ် စိတ်ကမရဲဘူး...အကောင်သာငယ်ပေမယ့် ယောက်ဖလောင်း(အလတ်ကောင်)က ဇ နဲ့ ဒါပေမယ့် ကိစ္စတော့မရှိပါဘူး ဒီကောင်က အမြဲတမ်းစောက်တလွဲလေ...သူ့နာမည်ပြောင်ကိုလည်းကြည့်ပါအုံး တွတ်ပီတဲ့။ ခဏတာ သူမ ခပ်တွေတွေလေး စဉ်စားပြီးကာမှ အေးဒါဆိုရင်တော့ နှင်နဲ့ငါ ရည်းစားဖြစ်လောက်တယ်ဆိုတဲ့ သူမကောက်ချက်ကြောင့် အာဝါဟ၊
ဝိဝါဟ မတိုင်ခင်အဆင့်ကို ကျနော်တို့ ရောက်ကြပါလေသတဲ့။....

ဒီလိုနဲ့ သင်္ကြန် အကြိုနေ့ မတိုင်ခင်တရက် အလို ရွှေဘုန်းပွင့်ဘုရားဝင်းထဲမှာ ထပ်တွေ့ဖြစ်ကြပါတယ်။ရည်စားသက်တမ်း တပတ်ပြည့်တဲ့ နေ့မှာပေါ့...ဒီတော့မှဟိုတနေ့က သိချင်နေတဲ့ ကိစ္စ မေးခွင့်ရတော့တယ်။ ဘာဖြစ်လို့ အလတ်ကောင်ကို
နိုင်အောင်ထိုးနိုင်တယ် ဆိုတာနဲ့ လက်ခံလိုက်ရတာလဲပေါ့။ မ အဖြေနဲ့ မ ကတော့ဟုတ်နေတာပါပဲ...အကယ်လို့ သူ့မောင်ကိုနိုင်အောင် မထိုးနိုင်တဲ့လူဆိုရင်လေ ...မောင်တွေရှေ့  မှာမျက်နှာငယ်ရတာပေါ့တဲ့...သူကအကြီးဆိုတော့ ရည်းစား
ဖက်ကလည်းဝင်ကူလို့လဲ မသင့်တော်ဘူးလေတဲ့ မောင်တွေနဲ့ တခုခုဖြစ်တဲ့အခါ။ နောက်ပြီးသင်းလေး ကနိုင်သွားလို့ အိမ်မှာ
ပြန်ကြွားရင် မိဘတွေကွယ်ရာမှာ ရည်းစားခိုးထားတာက ပေါ်ဦးမှာတဲ့။အခုလည်း သူ့မောင်ကိုကြိမ်းထားတယ်တဲ့ ငါရည်းစားထားတာ
အမေတို့ကိုချွန်ရဲ ချွန်ကြည့် ငါ့ကောင်လေးခေါ်ပြီး နင့်ကိုချောင်းရိုက်ခိုင်းမယ်လို့တဲ့...ကဲ အာဂ အမဗျာ...

ဒါနဲ့ ကျနော်လည်း ဖီလင်အပြည့်သွင်းပြီး ကျနော့်ကို ဒီလောက်တောင်ပဲ ချစ်ရလား မ ရယ်လို့ဆိုပြီး လက်ကလေးကို ဆွဲကိုင်လိုက်ပါတယ်...ဟီး...ခံစားရလား ဘာလားတော့မသိဘူး...သူငယ်ချင်းတွေက ရည်းစားဖြစ်ပြီး ချိန်းတွေ့တာတောင် လက်ကလေးမှ မကိုင်ဘူးရင် ပြန်မလာနဲ့လို့ မှာလိုက်လို့ပါ...ရုတ်တရက် တုန်ပြန်လိုက်တဲ့ မ ရဲ့  လှုပ်ရှားမှုက ဂျူဒို သမားတယောက်လိုပါပဲ ...လက်ကိုနောက်လှန်ချိုး ပလိုက်တယ်လေ...နောက်ပြီးပါစပ်ကလည်း...
တလစပ်...ငါက ကလေးဆိုပြီး ကြည့်နေတာ...နင်ကအတတ်ကောင်းတွေ တတ်နေတယ်ပေါ့လေ
...နင့်ကို ငါနဲ့တွေရင်ဒီလိုလုပ်ရမယ်လို့ ဘယ်ယောက်ဖတွေက နည်းတွေလမ်းတွေ ပေးလိုက်သလဲဆိုပြီး...
ကွိုင်ပါလေရော...အတော်ကြာလို့ သူဒေါသထွက်လို့ ဝမှလွတ်လိုက်တော့ ကျနော့်လက်ကောက်ဝတ်က ယောင်နေပြီလေ...

ကျနော်လည်း နာတာရယ်၊လန့်သွားတာရယ်၊ရှက်တာရယ် ပေါင်းပြီး ဒီလောက်အထင်သေးနေရင်လဲ
အစတည်းက ငြင်းပေါ့...ဘာဖြစ်လို့လက်ခံခဲ့တာလည်းဆိုပြီး...ပြန်အအော်မှာ...ဘယ်ကဘယ်လို
မျက်ရည်တွေပါ ကျလာလဲမသိပါဘူး...သတိထား မိတော့ ကျနော့်ကိုခပ်ဖွဖွနမ်းပြီး
မောင်ကလေးတယောက်လို ချော့နေတဲ့ မရင်ခွင်ထဲရောက်နှင့်နေပြီ...
ဆက်ပြီးတော့လည်း ဒို့တွေက ငယ်ကြသေးတော့ မဖြစ်သင့်တာတွေမဖြစ်ရအောင် အခုလိုတင်းတင်းကျပ်ကျပ် စောင့်စီးကြမှ
တန်ခါကြမယ်ဆိုပြီးမှာတမ်းတွေ ဆက်ချွေနေပါတယ်...ဒီကကောင်ကတော့ နုညံ့အိစက်တဲ့ အထိအတွေ့ နဲ့ မ ရဲ့ ကိုယ်သင်းရနံ့
တွေကြားမှာ...ဟီး...ဘဝမှာ ပထမဆုံးသော အတွေ့အကြုံမို့လား မသိဘူး နောက်ရင်ခွင်သစ်တွေ ရောက်တိုင်း သတိတရရှိနေလေရဲ့ ။

ဇရပ်ပေါ်က ဘုရားရှစ်ခိုးပြီးအမျှဝေကာ သာဓု ခေါ်တဲ့ အသံကြားမှ နှစ်ဦးသား ရှက်ရှက်နဲ့ထကာ အိမ်ပြန်ဖို့ ကားမှတ်တိုင်ဆီ
ထွက်လာခဲ့ဖြစ်ကြတယ်...ကားပေါ်မှာနှစ်ယောက်သားလေ သူ့ဂရုစိုက် ကိုယ့်ဂရုစိုက်နဲ့ အဖြစ်တွေသဲပြီး public ကိုအကြမ်းဖက်ရင်း စီးလာလိုက်တာ ကိုယ့်မှတ်တိုင်ကို ရောက်တောင်ရောက်မှန်းမသိ..ကျော်သွားလို့ တမှတ်တိုင်နောက်ပြန်လျှောက်လိုက်ရပါလေရောလား။ ဒီကကောင်တော့ နွေရာသီတွေဘာတွေ သတိမရတော့ဘူးနေပူကျဲတဲ ပေတရာလမ်းမပေါ်မှာလေ မ ဆိုတဲ့အသိတခုတည်းနဲ့ နေက လဖြစ်နေတာလေ။

1 comment:

  1. “အေးဒါဆိုရင်တော့ နှင်နဲ့ငါ ရည်းစားဖြစ်လောက်တယ်ဆိုတဲ့ သူမကောက်ချက်ကြောင့် အာဝါဟ၊
    ဝိဝါဟ မတိုင်ခင်အဆင့်ကို ကျနော်တို့ ရောက်ကြပါလေသတဲ့။”
    ဟေ့လူ ဆက်ဦးမှာလား..စောင့်ဖတ်နေတယ်..။
    ဒီအတိုင်းကြီး မရပ်လိုက်နဲ့ဦး..။
    Reply

Comments